धादिङमा फैलिँदै आँखा पाक्ने रोग

प्रबचन हमाल २० श्रावण २०८०, शनिबार १८:०८

धादिङमा केही दिनयता आँखा पाक्ने रोगको सङ्क्रमण फैलिन थालेको छ। जिल्ला सामुदायिक आँखा केन्द्रमा दैनिक ७० जनाभन्दा बढी बिरामी आँखा जचाँउन आउने गरेका छन्।

उपचारका लागि आउनेमध्ये ४० देखि ४६ जनामा आँखा पाक्ने समस्या भेटिएको छ ।एक्कासी आँखा रातो हुने, पोल्ने, घाममा हेर्न नसक्ने समस्या लिएर आउने बिरामीको सङ्ख्या एक सातादेखि झन्डै दोब्बरले बढेको केन्द्रका नेत्र अधिकृत डा रामसिंह तामाङले बताए। ‘दैनिक आँखा पाक्ने समस्या लिएर आउने बिरामीको सङ्ख्या बढिरहेको छ । समुदायस्तरमा यसको सङ्क्रमण फैलिसकेको छ”, उहाँले भन्नुभयो, “बालबालिका र युवामा यो समस्या बढी देखिएको छ।’ आँखा पाक्ने रोग उपचारका लागि विभिन्न सरकारी, निजी अस्पताल तथा क्लिनिकमा बिरामीको चाप बढेको तामाङले बताए।

प्रदूषित हावा र मौसमका कारण यसको सङ्क्रमण फैलिरहेको चिकित्सकको भनाइ छ। यसबाट बच्न सङ्क्रमित व्यक्तिले प्रयोग गरेका रुमाल, कपडा, ओछ्यानलगायत सामान अरुले प्रयोग नगर्ने, पटकपटक हातमुख धुने, सङ्क्रमित व्यक्तिको नजिक नजाने, कालो चश्मा लगाउने, आँखा जाँच गराएर चिकित्सकको परामर्शअनुसार औषधिको प्रयोग गर्नुपर्ने नेत्र अधिकृत डा तामाङले सुझाव दिए। ‘धुवाँधुलोबाट जोगिन सकियो भने पनि घरमा बसेर यो रोगबाट बच्न सकिन्छ’, उनले भने।

हाल जिल्ला सदरमुकाम धादिङबेँसी आसपासमा यसको सङ्क्रमण बढी देखिएको छ। विद्यालयका बालबालिकामा समेत यो रोग फैलिइसकेकाले सचेत रहन चिकित्सकले आग्रह गरेका छन्। जिल्लामा खनियाबास, गजुरी, ज्वालामुखी, सल्यानटारलगायत पालिकामा आँखा केन्द्र सञ्चालनमा छन्।

Next Post

डोल्पामा ट्याक्टर दुर्घटना हुँदा सात जना घाइते, दुईको अवस्था जटिल

२० श्रावण २०८०, शनिबार १८:०८
हिमाली जिल्ला डोल्पाको ठुलिभेरी नगरपालिका वडा नं. अन्तर्गत पर्ने मोतिपुरमा रा १ त. ३५७८  नंम्बरको ट्याक्टर दुर्घटना भएको छ। यसै नगरपालिकाको भित्तिबाट बालुवा बोकेर दुनैतर्फ आउँदै गरेको ट्याक्टर दुर्घटना भएको हो। दुर्घटनामा घाइते भएका सात जनालाई उपचारका लागि जिल्ला अस्पताल दुनैमा लगिएको जिल्ला प्रहरी कार्यालय डोल्पाका प्रहरी निरीक्षक नवीन प्रकाश […]