निजि क्षेत्रकाे लगानीमा जुम्लामा निर्माण भएकाे ९५ लाख लागतकाे फुटसलकाे बुधबार उद्धाटन गरिएकाे छ ।
चन्दननाथ नगरपालिका–५ कालेखोलीमा अखिल नेपाल फुटबल संघका केन्द्रिय अध्यक्ष कर्मा छिरिङ शेर्पा र उपाध्यक्ष उपेन्द्रमान सिंहको उपस्थितीमा फुटसल उद्घाटन गरिएको हो ।
चन्दननाथ नगरपालिका–५ निवासी निर्पराज भारती, प्रमोद शाही र प्रकाश शाहीको संयुक्त लगानीमा फुट्सल निर्माण गरिएको सञ्चालक प्रकाश शाहीले बताए ।
जुम्लालाई स्पोर्ट हबका रुपमा विकास गर्ने योजनासहित फुटसल सञ्चालनका लागि निर्माण गरीकाे सञ्चालक शाहीले बताए।
फुटसलमा पानी, शौचालय, क्यान्टीन, वाचमेन रुम सहित अत्याधुनिक प्रविधि प्रयोग भएकाले नमुना फुटसल निर्माण भएको सञ्चालकले दाबी गरेका छन ।
