बलात्कार आरोपमा पक्राउ परेर पूर्पक्षका लागि थुनामा रहेका सन्दीप लामिछानेको निवेदनकाे सुनुवाइ सरेकाे छ।
पाटन उच्च अदालतका न्यायाधीशद्वय सुभाष पौडेल र किरणकुमार पोखरेलको संयुक्त इजलासमा परेकाे सन्दीपकाे निवेदन हेर्न नभ्याइनेमा राखिएकाे छ।
सन्दीपकाे भन्दा अगाडि रहेका मुद्दाहरू लामाे भएकाे कारण पाँचाैँ स्थानमा रहेकाे उनकाे निवेदनकाे सुनुवाइ हेर्न नभ्याइनेमा राखिएकाे अधिवक्ता सरोकृष्ण घिमिरले बताए।
उनका अनुसार मुद्दाको सुनवाइ अब अर्काे बिहीबार हुनेछ।
नाबालिका बलात्कारको आरोपमा लामिछानेलाई जिल्ला अदालत, काठमाडौंले १८ कात्तिकमा पूर्पक्षका लागि थुनामा पठाएको थियो।
पूर्पक्षका लागि थुनामा पठाउने जिल्ला अदालतको आदेश बदरको माग गर्दै सन्दीपले उच्च अदालत पाटनमा निवेदन दिएका थिए।
