जुम्लाको चन्दननाथ नगरपालिका वडा नं. १ मा आगलागी हुँदा एक जना बालिकाकाे मृत्यु भएकाे छ।
राति १२ बजेतिर लाेकबहादुर भण्डारीकाे घरमा आगलागी हुँदा उनकी छाेरी बन्दना भण्डारीकाे जलेर मृत्यु भएको जिल्ला प्रहरी कार्यालय जुम्लाले जनाएको छ।
आगलागी हुँदा बालिकाको मृत्यु हुनुका साथै घर पुरै जलेर नष्ट भएकाे जिल्ला समन्वय समितिका प्रमुख गाैरिनन्द आचार्यले बताए। ‘आगलागी राति भएकाे हुनाले नियन्त्रण गर्न समस्या भएको हाे,’ उनले भने।
क्षतिकाे एकिन विवरण आउन बाँकी रहेको छ। आगलागीकाे विषयमा थप अनुसन्धान भइरहेकाे प्रहरीले जनाएको छ।
पछिल्लो समय जाडाे समयमा कर्णाली आगलागीका घटना बढिरहेका छन्। गत वर्ष तिला गाउँपालिकाकाे वडा नम्बर ३ मा आगलागीमा परेर एकै घरका ३ जना बालबालिकाकाे मृत्यु भएको थियो।
