मुगु सामूहिक हत्याकाण्डः दुई जना पक्राउ

महेश चाैलागाँई २४ कार्तिक २०८०, शुक्रबार १३:५०

मुगुमा सामूहिक हत्या आरोपमा दुई जना पक्राउ परेका छन्। नेपाल प्रहरीको केन्द्रीय अनुसन्धान व्यूरोको टोलीले गोरखराज शाही र गोपाल बोहोरालाई पक्राउ गरेको हो।

जिल्ला प्रहरी कार्यालय मुगुका डीएसपी वीरेन्द्र थापा नेतृत्वको टोलीले पनि अनुसन्धान गरिरहेको थियो। पछि प्रहरी प्रधान कार्यालय नक्सालले केन्द्रीय अनुसन्धान ब्युरो सिआइबीबाट पनि डिएसपी धर्मराज भण्डारी नेतृत्वमा अनुसन्धान टोली खटाएको थियो।

सिआइबी स्रोतका अनुसार दुई जना पक्राउ परेका छन्। र, थप अनुसन्धान हुँदैछ।

घटना बाहिर आएको १३ दिनपछि प्रहरीले चार जनाको हत्या आरोपमा दुई जनालाई पक्राउ गरेको हो। प्रहरी स्रोतले गोरखबहादुर मृतकका नातेदार पर्ने जानकारी दिएको छ।

कात्तिक १० गते बिहान साढे ९ बजे छायानाथ रारा नगरपालिका–६ मुन्दुकी २८ वर्षीया श्रीदेवी बोहोरा, उनका ११ वर्षका छोरा मनोज, सात वर्षकी छोरी अप्सरा र ५ महिने अर्का छोरा रहरको शव भेटिएको थियो। कात्तिक ८ गते राति श्रीदेवीसहित चारै जनाको हत्या गरेको प्रहरीको अनुसन्धानबाट खुलेको छ। हत्या गरेपछि घरमा ताला लगाएर आरोपी भागेका थिए।

घटना भएको पर्सिपल्ट कात्तिक १० गते बिहान छिमेकीले घरको ताला फोडेर हेरेपछि चारै जना मृत अवस्थामा फेला परेका हुन्।

सामूहिक हत्या भएको लामो समयसम्म पनि आरोपित पक्राउ नगर्दा प्रहरीको आलोचना भइरहेको थियो। सामूहिक हत्या भएको घटना अनुसन्धानका लागि सुरूमा कर्णाली प्रदेश प्रहरी कार्यालय र नेपाल प्रहरी प्रदेश कार्यालय कर्णालीबाट दुई वटा टोली अनुसन्धानका लागि खटिएको थियो।

कर्णाली प्रदेश प्रहरी कार्यालयबाट वरिष्ठ सई नारायण शर्मा र नेपाल प्रहरी प्रदेश कार्यालयबाट प्रहरी निरीक्षक बुद्धि सुवेदीको नेतृत्वमा अनुसन्धान टोली खटिएको थियो।

अनुसन्धानकै लागि कर्णाली प्रहरी प्रमुख डिआइजी भीम ढकाल समेत मुगु पुगेका थिए। जाजरकोटमा भूकम्प गएपछि उनी फर्किएका थिए।

Next Post

दिपावली काे अबसर लेकाली युवा कलवद्वारा फुटबल प्रतियोगिता मा टिम दत्ता भाेली पाँच सम्म थपियाे

२४ कार्तिक २०८०, शुक्रबार १३:५०
दिपावली काे अबसर पारेर लेकाली युवा कल्ब चन्दनाथ वडा न १० ले प्रथम अमृत स्मृति खुल्ला पुरुष फुटबल प्रतियाेगिता गराउने भएको छ । उक्त पुरूष फुटबल प्रतियोगिताको लागि आजदेखि कार्तिक २४ गते सम्म टिम दर्ता गराउने मिल्ने भनेता पनि यप एक दिन गराएकाे छ शनिबार ५ बजेसम्म समय थपिएको आयाजक […]