जुम्लामा जारी कर्णाली प्रदेशस्तरीय पुरुष फुटबल प्रतियोगिताकाे फाइनल खेलमा हुम्ला र जुम्ला भिड्ने भएकाछन्। हिमाली जिल्ला हुम्ला र जुम्ला विचकाे खेल राेचक हुने अनुमान गरिएकाे छ।
कालिकाेटलाई हराउदै हुम्लाले फाइनल खेलकाे लागि आफ्नाे पाेजिसन पक्का गरेेकाे छ भने जुम्लाले सुर्खेतलाई पेनाल्टी सुटआउटमा हराउदै फाइनल यात्रा मात्र तय नगरी सबैलाई चकित बनाएकाे छ ।
जहिल्यै हारकाे सिकार हुने जुम्लाले आज घरेलु मैदानमा सुर्खेत लाई हराउदाँ जुम्ली फुटबल टिमको आकार र वजनकाे चर्चा सुरु भएकाे छ।
याे प्रतियोगिताबाट आगामी वर्ष सुर्खेतमा हुने दशाैं राष्ट्रिय खेलकुद प्रतियाेगिमा खेल्ने खेलाडी छनाेट हुने भएकाेले व्याक्तिगत रुपमा खेलाडीकाे प्रदर्शन महत्त्वपूर्ण हुने छ।
१० जिल्लाकाे कर्णाली प्रदेशबाट यस पटककाे छनाेट खेलमा ६ वटा जिल्लाले मात्रै सहभागीता जनाए। फाइनल खेल फागुन १८ गते आज दिउसाे १ बजे राजासिम स्थित जुम्ला रंगशालामा हुने छ।
