जुम्लाको पातारासी गाउँपालिकामा मोटरसाइकल दुर्घटना हुँदा एकजनाको मृत्यु भएको छ। शनिबार राति साढे ८ पातरासी गाउँपालिका– ५ को तल्लो लार्पामा क १ प २०७७ मोटरसाइकल दुर्घटना भएको हो।
दुर्घटनामा मोटरसाइकलमा सवार पातारासी गाउँपालिका– ५ निवासी २९ वर्षीय मीनबहादुर बुढाको मृत्यु भएको जिल्ला प्रहरी कार्यालयका सूचना अधिकारी उमेश चन्दले बताए।
प्रहरीका अनुसार दुर्घटनामा गम्भीर घाइते बुढाको जुम्लास्थित कर्णाली स्वास्थ्य विज्ञान प्रतिष्ठानमा उपचारका क्रममा मृत्यु भएको थियो।
प्रहरीका अनुसार साँगुरो र अप्ठेरो सडकमा मोटरसाइकल अनियन्त्रित भई दुर्घटना हुँदा मोटरसाइकल सडकबाट करिब ७५ मिटर तल जुवा नदीमा खसेको थियो।
