काठमाडौं : नेपाल राष्ट्र बैंकका गभर्नर महाप्रसाद अधिकारीले महामारीकाे बेला बैंक तथा वित्तीय संस्थाहरु नाफामुखी हुनुभन्दा पनि आफ्नो व्यवसायलाई टिकाउनेतर्फ केन्द्रित हुनुपर्ने बताएका छन ।
वित्तीय प्रणालीमा पर्याप्त तरलता रहेको अवस्थामा अनुत्पादक क्षेत्रतर्फ कर्जा प्रवाह हुनसक्ने उल्लेख गर्दै गभर्नर अधिकारीले त्यसप्रति सजग रहन बैंकका सञ्चालक समितिका अध्यक्षलाई आग्रह गरे।
कोभिड–१९ बाट प्रभावित अर्थतन्त्रलाई गतिशील बनाउने गरी मौद्रिक नीति जारी भएकाे हुदा यसको व्यावहारिक कार्यान्वयनमा सहयोग पुर्याउन बैंक तथा वित्तीय संस्थाका सञ्चाल समितिका अध्यक्षहरुसँग आग्रह गरेका छन्।
केन्द्रीय बैंकले मंगलबार आयोजना गरेको श्रव्यदृश्य अन्तरक्रियामा उनले कोभिडको असरसँगै निम्तिएको असहज परिस्थितिमा अर्थतन्त्र र वित्तीय प्रणालीको सम्बद्र्धनमा टेवा पुग्ने गरी वित्तीय सेवा प्रदान गर्न आग्रह गरेकाहुन ।
महामारीमा बैंक र वित्तीय संस्थाहरु नाफामुखी हुनुहुँदैन: गभर्नर अधिकारी
हिमशिखर संवाददाता
१३ आश्विन २०७७, मंगलवार २१:१२
