भारतको महाराष्ट्रमा बस दुर्घटना हुँदा २५ जनाकाे ज्यान गयो

हिमशिखर सम्वाददाता काठमाण्डौ १६ असार २०८०, शनिबार १३:५२

भारतको महाराष्ट्रमा एक निजी बस दुर्घटना हुँदा २५ जनाको ज्यान गएको छ ।

सागपुरदेखि समृद्धि राजमार्ग हुँदै पुणे गइरहेको २९ बीई १८१९ नम्बरको ट्राभल एजेन्सीको बस आज बिहान दुर्घटना भएको हो । बुलढाणा भन्ने ठाउँमा टायर फड्किँदा बस अनियन्त्रित भएर बिजुलीको खम्बामा ठोक्किएर दुर्घटना भएको बीबीसीले जनाएको छ ।

बुलढाणाका प्रहरी अधिकारी सुनील कडासणेका अनुसार पोलमा बस ठोक्किँदा बसको डिजल ट्यांक फुटेर आगलागी भएको हो । बसमा लागेको आगोमा जलेरै धेरै यात्रीको ज्यान गयो भने केही यात्रु बसको सिसा फुटाएर बाहिर निस्किन सफल भए । बसमा जम्मा ३३ यात्रु रहेको प्रहरीले जनाएको छ । ज्यान गुमाउनेको पहिचान खुल्न सकेको छैन । घाइतेहरुकाे स्थानीय अस्पतालमा उपचार भइरहेकाे छ ।

महाराष्ट्रका मुख्यमन्त्री एकनाथ शिंदेले यस दुर्घटनाप्रति दुःख व्यक्त गर्नुभएको छ । साथै उहाँले दुर्घटनामा ज्यान गुमाउने व्यक्तिका परिवारलाई पाँच लाख रुपैयाँ दिने बताउनुभएको छ ।

Next Post

बालविवाह रोक्न ३८ धामीझाँक्री र पुरोहितले गरे प्रतिबद्धता पत्रमा हस्ताक्षर

१६ असार २०८०, शनिबार १३:५२
जुम्लामा कुनै बेला बाल विवाह गराउन अग्रसर हुने धामीझाँक्री हिजोआज बाल विवाह नगराउन लागि परेका देखिन्छन्। बालविवाह गराउने अग्रणी भूमिका खेल्ने धामीझाँक्री तथा पुरोहित बालविवाह नगराउने निर्णयमा पुगेका छन्। जुम्लाको हिमा गाउँपालिकाले बालविवाह रोक्न धामीझाँक्री तथा पुरोहित अभियान गरेको छ। उमेर नपुगेर गरिने विवाहमा आयोजना हुने भोजभतेर बहिस्कार गर्ने, बाल […]