कर्णाली प्रदेश सरकारका आन्तरिक मामिला तथा कानूनमन्त्री नरेश भण्डारीकाे टाेली अग्निपीडितलाई राहत लिएर पोखरीस्थित गोठीगाउँमा पुगेकाे छ ।मन्त्री भण्डारीकाे टाेटी नेपाली सेनाको हेलिकप्टरमा विहानै राहत लिएर गोठीगाउँमा पुग्दा अग्निपीडित निकै खुसि भएका थिए ।
मन्त्री भण्डारीसँगै कर्णाली प्रदेशसभा सदस्य पदमबहादुर रोकाया, दीनबन्धु श्रेष्ठ, तिला गाउँपालिकाका उपाध्यक्ष विष्णु बुढा र सोही गाउँका अगुवा मोतिलाल रोकाया पनि घटनास्थलमा पुगेका हुन् ।
राहात सामाग्रीहरूमा ८९ थान न्यानो कम्बल, सात रोल पि–फर्म, नौ क्वीन्टल चामल, दुई बोरा नुन, सात पेटी तेल, १५० केजी दाल, २० केजी खुर्सानी बेसार र २८ सेट भाँडाकुडा रहेकाे स्रोतले जनाएकाेछ ।
आगलागीबाट ३२ घर, १७ गाई, २३ गोरु र ३० बाख्रा जलेर नष्ट भएका थिए।
