प्रधानमन्त्री पुष्पकमल दाहाल ‘प्रचण्ड’ले महाकालेश्वरको मन्दिरमा १०८ किलो रूद्राक्षले पूजा गर्ने भएका छन्।
काठमाडौंबाट ल्याइएको विशिष्ट प्रकारको रूद्राक्षले उनले शुक्रबार बिहान ११ बजे मध्य प्रदेशस्थित महाकालेश्वर मन्दिरमा पूजा गर्ने भएका हुन्।
नेपालका प्रधानमन्त्रीको ‘अतिविशिष्ट प्रोटोकल’का कारण महाकाल मन्दिर दर्शन सम्बन्धी व्यवस्थामा परिवर्तन गरि ६ घन्टासम्म सर्वसाधारणलाई पूजाअर्चनामा रोक लगाइएको छ।
यस क्रममा शुक्रबार बिहान ६ बजेदेखि मध्याह्न १२ बजेसम्म मन्दिरको गर्भगृहमा भक्तजनहरुलाई प्रवेश निषेध गरिएको छ। सो अवधिभर मन्दिरका पण्डा र पुजारीमात्र जान पाउनेछन्।
मन्दिरमा प्रधानमन्त्री पुग्ने भएपछि मध्यप्रदेशका राज्यपाल मंगुभाइ पटेलले स्वागत गर्ने भएका छन्।
