जुम्लाको गुठिचौर गाउँपालिका वडा नम्वर १ ले उत्कृष्ट किसानलाई सम्मान गरेकाे छ । गुठीचाैर गाउँपालिका वडा नम्बर १ का किसान धर्मजीत बस्नेत लाई सम्मान सँगसँगै पुरस्कृत गरिएको हाे । जुम्लाको गुठिचौर १ का किसान धर्मजीत बस्नेतलाई गुठिचौर गाउँपालिका वडा नम्वर १ ले पुरस्कृत गरेको हो । आज गुठिचौर गाउँपालिकाका अध्यक्ष दान बहादुर बुढाले किसान धर्मजीत बस्नेतलाई घरमै पुगेर नगद ३३ हजार ७ सय ५० रुपैंया पुरस्कार स्वरुप हस्तान्तरण गर्नुभएको छ । गुठिचौर १ ले नमुना किसानको सम्मान गरेकोमा धन्यवाद ज्ञापन गर्दै कृषि क्षेत्रमा रचनात्मक ढंगले लागिपर्ने र उत्पादनमा दत्तचित्त भएर जुट्ने किसानलाई स्थानीय सरकारले प्राथमिकता साथ प्रोत्साहन गर्ने गुठिचौर गाउँपालिकाका अध्यक्ष दान बहादुर बुढाले बताउनुभयाे । उहाँका अनुसर कृषिमा आत्मनिर्भर नभइ पालिकाको समृद्धि सम्भव नभएको भन्दै किसानमैत्री नीति, कार्यक्रम र बजेटमा गुठिचौर तयार रहेको समेत अध्यक्ष बुढाको भनाई छ । युवा शक्ति विदेश पलायन भइरहेका बेला किसान धर्मजीत बस्नेतले दुर्गम क्षेत्रबाटै कृषिमा आत्मनिर्भर बन्न सकिने तथ्य पुष्टि गरेको उनले जानकारी दिनुभयाे ।
‘गुठिचौर १ मा सुरुवाती समयमा किसान धर्मजीतलाई गिज्याउने धेरै थिए । परम्परागत खेती प्रणाली त्यागेर खेतीयोग्य जमिनमा जडिबुटि, स्याउ रोप्न देखेर कतिपयले बौलाहाको संज्ञा समेत दिए, तर अहिले धमजीतको जग्गामा ५० किलो दुर्लभ जडिबुटि बन लसुन छ, जो मुल्यवान छ ।’ गुठिचौर १ का वडा अध्यक्ष अर्जुन कुमार् महताराकाे भनाइ छ । किसान धर्मजीत बस्नेतले लामो समय जडिबुटीमा अनुसन्धान गरेर समग्र अपर गुठिचौरलाई नयाँ सन्देश दिएकोले उनलाई वडाले सम्मान गरेको वडा अध्यक्ष महताराले बताउनुभयाे ।
अरुले बनबाट संकलन गरेको जडिबुटी बेचिरहदा आफुले खेतबारीमा रोपेको किसान धर्मजीत बस्नेतले सुनाउनुभयाे । अहिले पाटन, वन जंँगलमा समेत लोभ भएको दुर्लभ जडिबुटि आफ्नो खेतबारीमा सजिलै अवलोकन गर्न सकिने उनले बताए । स्थानीय सरकार वडा पालिकाले आफ्नो मेहनतको कदर गर्दै प्ुरस्कृत गर्दा आफुमा अझ हौसला बढेको उनले बताउनुभयाे ।
गुठिचाैर १ का किसान धर्मजित बस्नेत पुरस्कृत
के .बि अछुत
१९ असार २०८१, बुधबार २२:१५
