बर्दियाको ठाकुरबाबामा शिक्षकका लागी लैगिक रुपान्तरण र समाबेसी शिक्षण पद्धति विषयक ३ दिने क्षमता विकास गोष्ठि गरिएको छ । समावेसी शिक्षा परियोजना अन्तरगत बिद्यालयमा लैगिक रुपान्तरण र समाबेशि शिक्षण कृयाकलाप संचालनका लागी शिक्षकहरुको पेशागत क्षमता बिकास र कक्षाकोठामा सिकाइ गर्ने उदेश्य पुरा गर्नका लागी कार्यशाला गोष्ठि संचालन गरिएको हो ।
साउन १० गतेदेखि १२ गते सम्म संचालन भएको गोष्ठीमा २७ बिद्यालयका शिक्षकहरुको सहभागीता रहेको थियो । गोष्ठिको पहिलो दिन लैंगिक संवेदनशिल शिक्षण सिकाईको लागि विद्यालयले गरेको असल अभ्यासहरु, अपागंता संवेदनशिल शिक्षण सिकाइको लागि विद्यालयले गरेको असल प्रयास र अपाङ्गताको परिभाषा, प्रकार, सेवा सुविधा, सिकाई समस्याहरु र राष्ट्रिय ऐन, कानून तथा नीतिहरुका बारेमा शिक्षकहरुलाई प्रशिक्षण गराइएको थियो ।
गोष्ठीको दोस्रो दिन लैंगिक संवेदनशिल शिक्षण तथा सिकाई प्रक्रिया, प्रारम्भिक बालविकासको अवधारणा महत्व तथा सर्वाङ्गीण बालविकासको पक्षहरुको बारेमा जानकारी गराइएको थियो ।
त्यस्तै तेस्रो दिन लैगिंक रुपान्तरण र अपागंता भएका बालबालिका समावेशी कक्षाकोठा व्यवस्थापनका विषयमा सहजीकरण गरिएको थियो ।
शिक्षकका लागी लैगिक रुपान्तरण र समाबेसी शिक्षण पद्धति विषयक ३ दिने क्षमता विकास गोष्ठि भेरी बातावरणिय विशिष्टता समुह (वि ग्रुप) को आयोजनामा सम्पन्न गरिएको संस्थाका प्राविधिक संयोजक लक्ष्मी प्रसाद शर्माले जानकारी गराउनु भयो ।
कार्यक्रममा समावेशी शिक्षा परियोजनाका प्रबन्धक भानु लिम्वु, प्राबिधीक संयोजक लक्ष्मी शर्माको सहभागीता थियो भने गोष्ठिको सहजिकरण संजिव कुमार जोशीले गर्नु भएको थियो ।
