असारको दोस्रो सातासम्म रोपाइँ गरेर सकिसक्नुपर्ने जुम्ला चन्दननाथ नगरपालिका वड नम्वर ८ र ८ का ग्रामीण भेगका खेत यस वर्ष पर्याप्त वर्षा नभएका कारण बाँझै छन् । रोपाइँ भएका ठाउँमा पनि पानी अभावमा खेतका गह्रा धाँजा फाटेका छन् भने रोपेको धानको बीउ समेत मर्न लागेको किसानले बताएका छन् ।
पोहोरपरार यतिबेला सम्म सबै खेत रोपेर सकिन्थ्यो, तर यसपालि भने आकाश हेरेरै असार बितेकाे चन्दननाथ नगरपालिका वडा नम्बर ९ जग नेपालीले बताउनुभयो । उहाँका अनुसार
वर्षा नहुँदा रोपाइँ हुन मुस्किल भएकाे गुनासाे गर्नुभयो । तर वर्षा नहुँदा असारकाे दाेस्राे सातासम्म पनि खेत बाँझै रहेकाले भाेकमरी निम्तने डर रहेकाे बताउनुभयो । उहाँले भन्नुभयो, पोहोर सालको तुलनामा त अहिले पानी नपरेका कारण सबै खेत बाँझै रहेको बताउनुभयो । बीउ बुढिएर रोप्नै नमिल्ने भइसक्यो, यसपटक धान उत्पादन नै मुस्किल हुने भएकाे गुनासाे गर्नुभयाे ।
उहाँ जस्तै जिल्लाका धेरै किसानले वर्षा नभएका कारण रोपाइँ गर्न पाएका छैनन् । किसान आकाशतिर हेर्दै भगवान् पुकारेर पानी मागिरहेका छन् तर पानी नपरेका कारण कतिपय ठाउँमा रोपाइँ भएको छैन । रोपाइँ भएका ठाउँमा पनि चिराचिरा परेर धाँजा फाटेको र रोपो मर्न लागेको किसानले बताएका छन् ।
“गाउँलेहरूले पानी देऊ भगवान् भनेर भजनकीर्तन गर्न थालेका छन्, तर पानी नपरेका कारण हैरान भएकाे चन्दननाथ ८ का राम बहादुर राेकायाकाे भनाइ छ । उहाँका अनुसार न मुहानबाट पानी आउँछ न वर्षा हुन्छ, यसपटक धान उत्पादन राम्रो हुने लक्षण नरहेकाे बताउनुभयो ।
कुलो र नहरको सुविधा भएको, खोला तथा नदी तटीय क्षेत्र र खोल्साका छेउछाउमा रहेका खेतमा रोपाइँ सकिएको भए पनि आकाशे पानीकै भर परेर रोपिने ठाउँमा रोपाइँ हुन नसकेको उहाँकाे गुनासाे रहेकाे छ । वर्षा भएको बेलामा भल छोपेर रोप्ने तथा धारोको पानी जम्मा पारेर पालो गरेर जसोतसो रोपिएका खेत पनि सिँचाइ समस्यामा पटपटी फुटेका किसान राेकायाले बताउनुभयो । चर्को घामकै कारण अलिअलि रसाउन लागेका मूल पनि सुकिसके ।
पानी पर्ने लक्षण नै छैन, के गरी रोपाइँ गर्ने हो ? अब वर्षा भएछ भने पनि साउनमा रोपेको धान राम्रो फल्ने हाे कि हाेईन भन्ने कुराले राेकायालाई सँधै पिराेली रहेकाे छ ।
