राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंलाई प्रहरीले सोमबार भक्तपुर स्थित उनकै निवासबाट पक्राउ गरेको छ। जिल्ला प्रहरी परिसर काठमाडौंका एक अधिकृतका अनुसार उनलाई नियन्त्रणमा लिएर भद्रकालीस्थित परिसरमा राखिएको छ।
यसअघि माघ २३ गते पनि पक्राउ परेका प्रसाईं हाजिर जमानीमा रिहा भएका थिए। निर्वाचनसम्बन्धी अभिव्यक्तिलाई आधार बनाउँदै प्रहरीको साइबर ब्यूरोले बयान लिएको थियो।
फागुन २१ मा हुन लागेको निर्वाचन विथोल्ने अभियान सुरु गर्न सक्ने आशंकामा प्रहरीले उनलाई पटक–पटक नियन्त्रणमा लिँदै आएको जनाएको छ। यसअघि माघ ५ गते पनि उनलाई पोखराबाट पक्राउ गरी बयानपछि छाडिएको थियो।
