नेपाल कम्युनिष्ट पार्टी (बहुमत)का महासचिव धर्मेन्द्र बास्तोलालाई प्रहरीले मंगलबार काठमाडौँको सुन्धाराबाट पक्राउ गरेको छ। उपत्यका अपराध अनुसन्धान कार्यालयका एसएसपी सन्तोष खड्काका अनुसार उनलाई नियन्त्रणमा लिइएको हो।
पक्राउ पर्ने क्रममा बास्तोलासँगै पार्टीका काभ्रे जिल्ला सेक्रेटरी विष्णु प्रसाद तिम्सिनालाई पनि प्रहरीले नियन्त्रणमा लिएको जनाएको छ।
नेकपा (बहुमत)ले फागुन २१ मा हुन लागेको निर्वाचनको विरोध गर्दै आएको छ। सोही विरोध कार्यक्रम अन्तर्गत मंगलबार पार्टीले नेपाल बन्दको घोषणा गरेको थियो। बन्दका गतिविधि र शान्ति सुरक्षालाई मध्यनजर गर्दै प्रहरीले नेताहरूलाई नियन्त्रणमा लिएको बताइएको छ।
घटनाबारे थप अनुसन्धान भइरहेको प्रहरीले जनाएको छ।
