जुम्ला जिल्लामा भ्यान दुर्घटना हुँदा ७ जना घाइते भएका छन्। मिति २०८२ फागुन ७ गते दिउँसो १२:०० बजे तातोपानी गाउँपालिका–६ घौलापानीस्थित कर्णाली राजमार्ग सडक खण्डमा उक्त दुर्घटना भएको जिल्ला प्रहरी कार्यालय जुम्लाका सुचना अधिकारी शालिक राम खनालले जानकारी दिएका छन ।
जुम्ला बजारबाट नाग्मातर्फ जाँदै गरेको भे १ ज ८१८ नम्बरको भ्यान अनियन्त्रित भई सडक छेउमा रोकी राखिएको क.प्र.०२–००१ त ०१९० नम्बरको ट्रयाक्टरमा ठोक्किएको थियो। ठक्करपछि भ्यान सडकबाट करिब ३०–४० मिटर तल बारीमा खसेको प्रहरीले जनाएको छ।
दुर्घटनामा चालकसहित ७ जना घाइते भएका छन्। घाइतेहरू मध्य ३ जना निर्वाचन प्रहरी रहेकाे खनालले जानकारी दिएका छन ।
धाईते लाई उद्धार गरी उपचारका लागि कर्णाली स्वास्थ्य विज्ञान प्रतिष्ठान पठाइएको छ। प्रहरीका अनुसार चालकले मादक पदार्थ सेवन (मा.प.से.) नगरेको प्रारम्भिक अनुसन्धानबाट खुलेको छ।
