कर्णाली प्रदेशका पूर्वमुख्यमन्त्री जीवनबहादुर शाहीले मंगलबार पुलको उद्घाटन गर्नुभयो। २० टनसम्मको भार बोक्न सक्ने क्षमताको यो पुल झण्डै एक करोड रुपैयाँको लागतमा पूर्वाधार विकास कार्यालय हुम्लाले ठेक्का प्रक्रियाबाट एक वर्षभित्र निर्माण सम्पन्न गरेको हो।
चंखेली गाउँपालिका अध्यक्ष प्यारीलाल शाहीका अनुसार पुल सञ्चालनमा आएसँगै स्थानीयवासीलाई आवतजावत, व्यापार र सेवा प्रवाहमा सहजता भएको छ। साथै, अब मुगुको रारा ताल, हुम्ला हुँदै जुम्लासम्मको सडक यात्रा सहज र सुलभ हुने अपेक्षा गरिएको छ।
उद्घाटन कार्यक्रममा पूर्वमुख्यमन्त्री शाहीसहित स्थानीय तहका जनप्रतिनिधि, राजनीतिक दलका नेता, सञ्चारकर्मी र सर्वसाधारणको उपस्थिति रहेको थियो।
