सुर्खेत । नेकपा नेता तथा प्रतिनिधिसभा उम्मेदवार जित बहादुर राना (रञ्जित) ले ३१औँ जनयुद्ध दिवसको अवसरमा शुभकामना व्यक्त गर्दै शहीदहरूप्रति श्रद्धाञ्जली अर्पण गरेका छन्।
शुभकामना सन्देशमा रञ्जितले जनयुद्ध र जनआन्दोलनले मुलुकमा संघीय लोकतान्त्रिक गणतन्त्र स्थापना गर्न ऐतिहासिक भूमिका खेलेको उल्लेख गरेका छन्। उनले सहिद, बेपत्ता तथा घाइते योद्धाहरूको योगदानको उच्च सम्मान गर्दै प्राप्त उपलब्धिको रक्षा गर्नु सबैको दायित्व भएको बताएका छन्।
उनले राजनीतिक स्थायित्व, सुशासन, सामाजिक न्याय र समावेशी विकासमार्फत देशलाई समृद्धितर्फ अघि बढाउनुपर्ने धारणा राखेका छन्। विशेषगरी सुर्खेत क्षेत्र नं. १ को समग्र विकास, रोजगारी सिर्जना, पूर्वाधार विस्तार र कृषिको आधुनिकीकरण आफ्नो प्राथमिकता रहेको बताएका छन्।
साथै, उनले आगामी फागुन २१ गते हुने प्रतिनिधिसभा निर्वाचनमा आफूलाई विजयी गराउन मतदातासमक्ष सहयोग र समर्थनको अपिल गरेका छन्। जनताको विश्वास र सहकार्यबाट मात्रै परिवर्तन सम्भव हुने उनको भनाइ छ।कार्यक्रममा जनयुद्धका समयमा ज्यान गुमाएका शहीद परिवार तथा घाइते–अपाङ्ग योद्धाहरूलाई सम्मान गरिएको थियो।
कार्यक्रम नेपाली कम्युनिस्ट पार्टी लेकबेसी नगरपालिका ३ नम्ववर वडा समितिको आयोजनामा सम्पन्न भएको हो।
