काठमाडौ: नेपाल कम्युनिष्ट पार्टी (नेकपा) प्रचण्ड –माधव समूहको केन्द्रीय कमिटी बैठकलेबैठकले पार्टी अध्यक्ष केपी शर्मा ओलीले ऐतिहासिक राजनीतिक परिवर्तन, संविधान, लोकतन्त्र, पार्टी एकताको विरुद्धमा कार्य गरेकाले पार्टी अनुशासनको गम्भीर उल्लंघन गरेकाे आरा्पमा पार्टीको अन्तरिम विधान अनुसार अनुशासनको कारबाही गरी पार्टी अध्यक्षको जिम्मेवारीबाट मुक्त गर्ने निर्णय गरेको छ ।
यस्तै नेपाल कम्युनिष्ट पार्टी (नेकपा) को रिक्त रहेकाे एक जना अध्यक्षकाे पदमा बरिस्ठ नेता माधवकुमार नेपाललाई चयन गरेको प्रवक्ता नारायणकाजी श्रेष्ठले जानकारी दिए ।
बबरमहलस्थित कार्की ब्याङक्वेटमा भएको बैठकले वरिष्ठ नेता झलनाथ खनालको प्रस्तावमा नेपाललाई अध्यक्ष चयन गरेको हो ।
मंगलबारको बैठकले नेता कृष्णबहादुर महरालाई स्थायी कमिटी बैठकमा मनोनीत गर्ने स्थायी कमिटीको प्रस्तावलाई पनि अनुमोदन गरेको छ ।
