सन २०२१ को लागि एमडिआरटीमा भाग लिने लक्ष्य सफलतापूर्वक पूरा गरेका सानिमा लाइफ इन्स्योरेन्स कम्पनीका एजेन्सी म्यानेजर बिनोद परियारको दुखद काेराेना संक्रमणबाट निधन भएको छ ।
सानिमा लाइफ इन्स्योरेन्स कम्पनीको नेपालगन्ज शाखा प्रमुख मेगराज बिकका अनुसार परियारको मंगलबार साँझ कोहलपुरस्थित शिक्षण अस्पतालमा उपचारको क्रममा निधन भएको हो । ७ दिन सम्म आईसियुमा राखेर केही सुधार भएपछि सामान्य बेडमा सारेर उपचार गराउँदै गरेको अवस्थामा एक्कासी निधन भएको हो ।
सानिमा लाइफ इन्स्योरेन्स कम्पनीको नेपालगन्ज शाखामा आबद्ध परियारले गत वर्ष ३८ लाख रुपैयाँ प्रथम बीमा शुल्क संकलन गरेर एमडिआरटीको लक्ष्य पूरा गरेका थिए । व्यवसायिक अभिकर्ताहरुको अन्तर्राष्ट्रिय प्लेटफर्म एमडिआरटीको लक्ष्य भेट्टाए पनि उनले उक्त सम्मेलनमा भने भाग लिन नपाई कोरोनाबाट निधन भएकाे छ ।
परियार आफ्नो २५ लाखकाे बीमा गराएको सानिमा लाइफ इन्स्योरेन्स कम्पनीले जनाएको छ ।
