दश महिनाको बच्चा अपरहणकाे नालिबेली

बलात्कार पछि बच्चा जन्म्याे कुराे नमिल्दा अपहरण

पुष्पा बिष्ट ७ भाद्र २०७८, सोमबार २१:५०

जुम्लाका दश महिनाको बच्चा अपरहण गरी बेपत्ता बनाउने एक अभियुक्तलाई शनिबार सुर्खेत प्रहरीले पक्राउ गरेकाे छ। पक्राउ पर्नेमा जुम्लाको हिमा गाउँपालिका -३ जुम्लाका २५ वर्षीय दानबहादुर रोकाया छन्।

शनिबार दिउँसो २ः ३० बजे सुर्खेत प्रहरीले अभियुक्त राेकायालाई एयरपोर्ट चोकबाट पक्राउ गरेको हो।

जिल्ला प्रहरी कार्यालय सुर्खेतका अनुसन्धान अधिकृत एवं प्रहरी निरीक्षक कनकबहादुर शाहीले पक्राउ परेका अभियुक्त रोकायाले बच्चा आफूले लिएको स्वीकार गरिसकेको बताए।

उनले भने, ‘ बच्चा अपहरण गरेर अपरिचित मान्छेलाई दिएकोले अहिले आफूसँग नभएको बयान दिएका छन्।’

जुम्लाका डिएसपी दानबहादुर थापाका अनुसार पीडित परिवारले भदौ ३ गते रातिदेखि बच्चा हराएको भनेर निवदेन दिएको बताए।

‘घटना निकै गम्भीर र संवेदनशील थियाे,’ उनले भने, ‘अनुसन्धानको क्रममा भएकोले अहिले नै यो हो भन्न सकिने स्थिति छैन। हामीले विभिन्न दृष्टिकोणबाट यसको अनुसन्धान गरिरहेका छौं’

बलात्कारपछि बच्चा जन्मियाे
अपहरित बालक अभियुक्तकाे बलात्कार का कारण सोही वडाकी १९ वर्षीय किशोरीबाट जन्मेको थियो।

रोकायाले बलात्कार गर्दा किशोरी १८ वर्षकी थिइन्। किशोरीले उक्त बच्चालाई गत वर्ष कार्तिक महिनामा जन्म दिएकी थिइन्।

यस वर्ष राहदेव मावि मोफ्लाबाट माध्यमिक शिक्षा परीक्षा दिएकी किशोरी अहिले १९ वर्षको भएको उनका बाबु शक्तिबहादुर कठायतकाले बताए।

जबर्जस्ती मिल्नलाई दबाब
अपहरित बच्चाका बाजे कठायतका अनुसर अभियुक्त राेकायाले छोरीलाई गाउँपालिकामा तालिम दिन्छु भनेर जबरजस्तीकरणी गरेका कारण बच्चा जन्मेको थियाे।

पीडितहरुकाे कमजोर पारिवारिक पृष्ठभूमि देखेकाले अभियुक्तले जहाँबाट भएपनि दमन गर्ने प्रयास गरिरहेकाे उनले बताए।

उनले बच्चा जन्मिएपछि जबरजस्ती मिलाउन दबाब दिइरहेका थिए भने नमिले धम्क्याउने, हाेच्याउने लगायतका गतिविधि गरिरहेका थिए।

अपहरणकाे डिजाइन
भदौ ३ गते राति नाैबजे तिर घर नजिकैकाे पसलमा अपहरित बच्चाकी आमा बसीरहेकी थिइन्। अभियुक्त रोकाया त्यहीँ आएर बच्चाकी आमालाई ‘तिम्री आमालेले बोलाएकी छन्’ भने।

त्यतिबेला उनी हतारमा आमाले मलाई किन बोलाउनु भयो हाेला साेच्दै आमा भेट्न बच्चा छाेडेर आइन्। आमाले भने उल्टै ‘नातीलाई छोडेर किन आइश?’ भनेपछि उनी हतारहतार पसल पुगिन्। त्यतिबेलासम्म अभियुक्त राेकाया र बच्चा दुबै थिएनन्।

दाेसीलाई हदैसम्मको कारबाही गरिदिन पीडितकाे अनुनय
बच्चा अपहरण गरि अभियुक्त फरार हुने बित्तिकै प्रहरीलाई जानकारी दिएकाे बच्चाकी आमाले बताएकी छन्। उनका अनुसार अभियुक्त रोकायाले नाटकीय ढंगबाट दश महिनाको बच्चा अपहरण गरे।

‘बच्चालाई अपहरण गरेर बेपत्ता पार्नेलाई सरकारले कडा कारबाही गरिदेवस्,’ उनले भनिन्, ‘हामी पीडित त यसै छाैं त्यसमाथि थप पीडा दिइरहेकाे छ।’

पक्राउ परेका अपहरणकारीलाई थप अनुसन्धानका लागि जुम्ला ल्याइने प्रहरीले जनाएकाे छ।

Next Post

एमालेकाे ढाेका बन्द भएकाले बाध्य भएर नयाँ पार्टी खाेल्नुपरेकाे हाे : अध्यक्ष नेपाल

७ भाद्र २०७८, सोमबार २१:५०
नेकपा (एकीकृत समाजवादी) का अध्यक्ष माधवकुमार नेपालले एमाले अध्यक्ष केपी शर्मा ओलीले एमाले पार्टीमा ढोका बन्द गरिदिएपछि बाध्य भएर नयाँ पार्टी खोल्नु परेको बताएका छन् । मंगलबार चन्द्रागिरीमा सञ्चारकर्मीहरुसँग कुरा गर्दै उनले एमालेका अध्यक्ष केपी शर्मा ओलीले एकलौटी रुपमा पार्टी कब्जा गरेको र आफूहरुलाई पार्टीबाट निष्कासन गरेका कारण बाध्य भएर […]

सम्बन्धित समाचार