जुम्लामा ४२ हजार नागरिकलाई काेराेना विरुद्दकाे खाेप लगाइने भएको छ । आगामी असाेज ९ गतेबाट जुम्ला जिल्लाका १८ वर्ष माथिका नागरिकलाई ४१ हजार ६ सय ७६ जनालाई खाेप लगाइने जनस्वास्थ्य कार्यालय जुम्लाले जनाएकाे छ ।
यहि असाेज ९ गतेबाट जुम्लामा शुरु हुने खाेप अभियानमा तालिम प्राप्त स्वास्थ्यकर्मि सहित जुम्लामा ५ सय ४७ जना स्वयम् सेविका परिचालन हुने छन् ।
जुम्ला जिल्लामा खाेप अभियानलाई दुई चरणमा सञ्चालन गरिने जनस्वास्थ्य कार्यलयका प्रमुख कृष्ण सापकोटाले जानकारी दिएकाछन ।
यस्तै अभियानलाई सफल पार्न जिल्ला भरिमा ६२ खाेप केन्द्र ताेकिएकाे छ ।
