संयुक्त राज्य अमेरिकामा पछिल्लो समय कोरोना भाइरसका कारण अस्पताल भर्ना हुनेको संख्या बढ्न थालेको पाइएको छ। यहाँका स्वास्थ्य अधिकारीहरूले अमेरिकामा पछिल्लो समयमा कोरोना र कोरोनाजन्य संक्रमणका कारण अस्पताल भर्ना हुने मानिसको संख्या बढ्न थालेको जनाएका छन्।
अमेरिकी दैनिक पत्रिका ‘द न्युयोर्क टाइम्स’ले शुक्रबारको अंकमा सो समाचार दिएको छ। पत्रिकाले बिहीबार मात्र यहाँका अस्पतालमा कोरोनाजन्य जटिलताका कारण भर्ना हुन गएका नागरिकको संख्या १८ हजार रहेको जनाएको थियो। यो संख्या अमेरिकाका सबै अस्पतालको हो। तर, यो संख्या अघिल्लो हप्ताको तुलनामा २० प्रतिशतले बढी भएको पनि समाचारमा जनाइएको छ।
