जुम्लामा चट्याङ लागेर एक युवकको मृत्यु भएको छ । मृत्युु हुनेमा तिला गाउँपालिका ९ मालापानीका १८ वर्षीय प्रेमबहादुर बुढा रहेकाे जिल्ला प्रहरी कार्यालय जुम्लाले जनाएकाे छ ।
बुढा घरबाट सिमी गोड्न गएको समयमापानी परेर रूखमुनि ओत लागेकाे समयमा चट्याङ लागेर मृत्यु भएको जिप्रका जुम्लाका सूचना अधिकारी प्रहरी निरिक्षक भुवन भट्टले जानकारी दिए ।
घटनाको जानकारी पाएलगत्तै रारालिही प्रहरी चौकीको टोली घटनास्थलमा पुगेको थियो भने बिहान जिल्ला प्रहरी कार्यालय जुम्लाको मुद्दाफाँटको टोली समेत घटनास्थलतिर गएको छ ।
चट्याङबाट मृत्यु भएका प्रेमको मोबाइल समेत जलेको छ । घटनास्थलमा टेलिफोन नलगाएकोले थप जानकारी आउन सकेको छैन । घटनास्थल जुम्ला सदरमुकाम खलंगा देखि ४ घण्टाको दुरीमा पर्छ ।
