जुम्लाको पातारासी गाउँपालिका–३ हुरीमहरीमा रहेको सरस्वती आधारभूत विद्यालयको भवन भत्किँदा चार जना विद्यार्थी घाइते भएका छन् ।
कक्षा सञ्चालन भइरहेको समयमा विद्यालय भवन भत्किएपछि विद्यार्थी घाइते भएका हुन् । शिक्षक डिल्ली बुढाका अनुसार घाइते हुनेमा कक्षा ३ र ४ का विद्यार्थी रहेका छन् । घाइते मध्ये एकजनाको अवस्था गम्भीर छ ।
भवन निकै पुरानो र जीर्ण भएकोले भत्किएको हो । विद्यालयको ३ कोठे भवन भत्किएको उनले बताए । विद्यालय भवन भत्किने बित्तिकै पालिकालाई खबर गरेको र पालिकाबाट टोली विद्यालयमा आउन लागेको जानकारी विद्यालयले दिएको छ ।
