जुम्लाकाे पातरासीमा जीप दुर्घटना हुँदा एक जनाकाे घटनास्थलमै मृत्यु

महेश चाैलागाँई २ माघ २०७९, सोमबार १६:४०

जुम्ला बजारबाट पातरासी गाउँपालिकाकाे लासी जाँदै गरेकाे जीप दुर्घटना हुँदा एक जनाकाे घटनस्थलमै मृत्यु भएकाे छ।

साेमबार हपरान्ह ४:०० बजे, पातरासी गाउँपालिका-६  ग १ ज ४०३५ नम्बरकाे जीप काेटा भिर भन्ने स्थानमा दुर्घटना भएकाे प्रहरी निरिक्षक यम बहादुर बुढा मगरले बताए।

उनका अनुसार दुर्घटनामा परी मृत्यु हुनेमा पातरासी गाउँपालिका-१ खालाढिक बस्ने छाेजुम लामा रहेकी छन्।

‘घाइते सबैलाई उपचारका निम्ति कर्णाली स्वास्थ्य विज्ञान प्रतिष्ठानमा लागिएकाे छ,’ उनले भने, ‘घाइतेहरुकाे संख्या पनि एकिन भएकाे छैन।’

प्रहरी पुग्नुभन्दा अगाडि नै स्थानीयले उद्दार गरी अस्पताल पठाएकाे जिप्रका जुम्लाले जनाएकाे छ। जीप ब्याक गर्ने बेला सडकबाट ५० मिटर तल तिला नदीमा खसेकाे थियाे।

Next Post

राप्रपाबाट उप्रप्रधानमन्त्रीमा लिङ्देन सहित मन्त्रीहरुमा धवल शमशेर र ज्ञानेन्द्रकाे चर्चा

२ माघ २०७९, सोमबार १६:४०
राष्ट्रिय प्रजातन्त्र पार्टीले उपप्रधानमन्त्री सहित मन्त्रालय पाएपछि सरकारमा सहभागी हुने भएको छ। सोमबार राति अबेर सकिएको सत्ता गठबन्धनको बैठकले राप्रपालाई तीन मन्त्रालय दिने सहमति जुटाएको राप्रपाका एक नेताले  हिमशिखर अनलाइनलाई जानकारी दिए। उनका अनुसार राप्रपा अध्यक्ष राजेन्द्र लिङ्देन उपप्रधानसहित ऊर्जा जलस्रोत तथा सिंचाइ मन्त्रालयको जिम्मेवारीमा सहभागी हुने तय भएको छ। […]