एसीसी प्रिमियर कपको उपाधिका लागि आज नेपाल र युएई भिड्दै

हिमशिखर सम्वाददाता काठमाण्डौ १९ बैशाख २०८०, मंगलवार ०७:०८

एसियन क्रिकेट काउन्सिल (एसीसी) प्रिमियर कपअन्तर्गत सोमबार वर्षाकाे कारण राेकिएकाे नेपाल र युएईबीचकाे खेल आज पुन: सूचारु हुँदैछ। सोमबार दिउँसो ३ बजेसम्म वर्षा नरोकिएपछि खेल मगंलबारकाे लागि सारिएकाे थियाे।

सोमबार फाइनल खेलमा त्रिवि क्रिकेट मैदानमा टस हारेर ब्याटिङकाे निम्ताे पाएकाे युएईले २७.३ ओभरमा ९ विकेट गुमाएर १०६ रन बनाएर खेलिरहेको थियो। तर, वर्षाका कारण खेल प्रभावित भएपछि खेल पुन: आज हुनेछ।

युएईका लागि मोहमद वासीम ८ बलमा ११ रन जोडेर आउट भएका थिए। त्यस्तै, युएईका लागि भृत्य ९ बलमा ८ रन बनाएर आउट भए भने आर्यन लाक्रा २८ बल खेल्दै १३ रन बनाएर आउट भए।

त्यस्तै युएईका लागि रमिज शेहजाद ५ बलमा १ रन बनाएर आउट भए भने रोहन मुस्ताफा १५ बल खेल्दा २ रन बनाएर आउट हुन पुगे।

यता नेपालका लागि सन्दीप लामिछाने, करण केसी र ललित राजवंशीले समान दुई(दुई विकेट लिए भने सोमपाल कामी र गुलशन झाले एक(एक विकेट लिए।

त्यस्तै सोमबार ९ विकेटमा रोकिएको खेल आज पुन ९ विकेटबाट नै सुरु हुनेछ। आज पुन: वर्षा भएमा खेल सुपर ओभरमा जानेछ।

यदि सुपर ओभरबाट पनि केही निष्कर्ष आएन भने नेपाल ओडिआई मान्यताका आधारमा एसीसी कपको विजेता बनेछ।

Next Post

एसियन क्रिकेट काउन्सिल (एसिसि) कपको उपाधि नेपाललाई

१९ बैशाख २०८०, मंगलवार ०७:०८
काठमाडौँमा जारी रहेको एसियन क्रिकेट काउन्सिल (एसिसि) कपको उपाधि नेपालले जितेको छ। मगंलबार त्रिवि क्रिकेटद मैदानमा युएईमाथि ७ विकेटले विजय हुँदै उपाधि हात पारेको हो। सोमबार टस हारेर ब्याटिगको निम्तो पाएको युएईले निर्धारित ३३.१ओभरमा अलआउट भएर ११७ रन बनाएको थियो। युएईका लागि लागि मोहमद वासीम ८ बलमा ११ रन जोडेर […]