मुगुको सदरमुकाम गमगढी बजारमा आगलागी

महेश चाैलागाँई ६ आश्विन २०८०, शनिबार ०७:३०

मुगु जिल्लाको सदरमुकाम गमगढी बजारमा आगलागी भएको छ । गएराती बजारमा आगलागी भएको जिल्ला प्रहरी कार्यालय मुगुका प्रमुख, प्रहरी नायव उपरीक्षक (डीएसपी) वीरेन्द्र थापाले जानकारी दिए ।

राति १ बजे लागेको आगो बिहान साढे चार बजे सुरक्षाकर्मी र स्थानीयबासीले नियन्त्रणमा लिएको उनले बताए । डीएसपी थापाका अनुसार बजारका ६ वटा घर पूर्णरुपमा जलेर नष्ट भएका छन् ।

कुनै मानवीय क्षति नभएको तर ठूलो आर्थिक क्षति भएको अनुमान गरिएको डीएसपी थापाले बताए ।जलेका घरमा कम्प्युटर पसल, मोवाइल पसल, होटेल, सैलुन, ग्याँस सिलिण्डर पसल थिए । तर, क्षतिको पूर्ण विवरण भने आइनसकेको डीएसपी थापाको भनाइ छ ।

Next Post

क्यानकाे सचिवमा पारस खड्का निर्वाचित

६ आश्विन २०८०, शनिबार ०७:३०
नेपाल क्रिकेट संघ (क्यान)को सचिवमा नेपाली राष्ट्रिय क्रिकेट टोलीका पूर्वकप्तान पारस खड्का निर्वाचित भएका छन्। शनिबार भएको मतदानमा निर्वातमान सचिव प्रशान्त विक्रम मल्ललाई ११ मतले पराजित गर्दै पारस खड्का निर्वाचित भएका हुन्। कुल ८५ मत खसेकोमा पारसले ४८ मत प्राप्त गरे भने प्रशान्त विक्रमले ३७ मत प्राप्त गरे। नेपाली राष्ट्रिय […]