कर्णाली याक्समा आवद्ध चर्चित भारतीय क्रिकेटर शिखर धवनले नेपाल प्रिमियर लिग (एनपीएल)को बाँकी खेल नखेल्ने भएका छन् ।
क्रिकेटर धवनलाई कर्णालीले चार खेल खेल्नका लागि टोलीमा अनुबन्ध गरेको थियो । उनले सम्झौताअनुसार चार खेल खेलेर स्वदेश फर्किने भएका हुन् ।
एनपीएलमा चार खेल खेलेका शिखरले १३६ रन बनाएका थिए । उनले विराटनगर किंग्सविरुद्ध ५, चितवन राइनोजविरुद्ध ४५, जनकपुर बोल्ट्सविरुद्ध १४ र काठमाडौँ गुर्खाजविरुद्ध अविजित ७२ रन बनाए ।
उनी सम्मिलित कर्णालीले चार खेलमध्ये दुईमा हार र दुईमा जित निकालेको छ ।
