गुठिचौर गाउँपालिका–१ मणिसाँघुमा जंगली विषालु च्याउ खाँदा एकै परिवारका पाँच जना बिरामी परेका छन् ।
आज दिउसाे करिव ३ बजे आफ्नै घरमा जंगल बाट ल्याएर च्याउ पकाएर खाने क्रममा घाइते भएका हुन् ।
घाइते हुनेमा एकै परिवारका ६० वर्षीय लेखकमान महतराको घरमा पकाइएको च्याउ खाँदा उनका परिवारका सदस्यहरू ५८ वर्षीया राजकुमारी महतरा, ४५ वर्षीया कल्पना रावत, २८ वर्षीया सपना महतरा बिष्ट र ३ वर्षीय बालक पुजन बिष्ट बिरामी परेका हुन्।
बिरामीहरूलाई आइतबार साँझ करिब ७:१५ बजे कर्णाली स्वास्थ्य विज्ञान प्रतिष्ठान, जुम्ला ल्याइएको छ । हाल सबैको अवस्था सामान्य रहेको अस्पतालले जनाएको छ।
घटना लगत्तै प्रहरी चौकी मणिसाँघुबाट प्रहरी टोली घटनास्थलमा पुगेको थियाे । स्थानियहरूका अनुसार सो क्षेत्र वरपर जंगली च्याउ प्रशस्त पाइने भए पनि केही च्याउ अत्यधिक विषालु भएकाले सतर्कता अपनाउन आग्रह गरिएको छ ।
जिल्ला प्रहरी कार्यालय जुम्लाका अनुसार याे समयमा अत्यधिक मात्रामा जंगली च्याउ पाहिने भएको हुदा च्याउ खादा ध्यान दिनु पर्ने जानकारी दिएकाे छ ।
