जुम्ला, साउन ११ – जुम्लाको तातोपानी गाउँपालिका–४ पाण्डेवाडामा ट्याक्टरबाट लडेर एक जना घाइते भएका छन्।
डिभिजन वन कार्यालय जुम्लामा कार्यरत ५५ वर्षीय खरिदार गणेश पाण्डे काठ बोकेको ट्याक्टर (क.१.त.१२ नं.) मा सवार रहँदा आइतबार दिउँसो करिब २:३० बजे ट्याक्टरबाट खस्दा घाइते भएका हुन्।
टाउकोमा चोट लागेका पाण्डेलाई तत्कालै नायब सुब्बा रविन्द्र अधिकारीको सहयोगमा करिब ५:३० बजे कर्णाली स्वास्थ्य विज्ञान प्रतिष्ठान, जुम्ला पुर्याइएको थियो। चिकित्सकका अनुसार हाल उनको अवस्था मध्यम रहेको जनाइएको छ।
जिल्ला प्रहरी कार्यालय जुम्लाले घटनामा संलग्न ट्याक्टर र चालकलाई नियन्त्रणमा लिएको जनाएको छ। घटनाबारे थप अनुसन्धान भइरहेको प्रहरीले जानकारी दिएको छ।
