काठमाडौँको भत्केको पुलमा सञ्चालनमा रहेको दारी भाइको चिया पसलले आज आफ्नो दोस्रो वार्षिकोत्सव मनाएको छ। वार्षिकोत्सवको अवसरमा पसलले हरेक ग्राहकलाई पाँच रुपैयाँमै चिया बिक्री गरेको छ।
दारी भाइको चिया पसल हाल संखमूल, भत्केको पुल, पुरानो बानेश्वर र बसुन्धरा लगायतका विभिन्न स्थानमार्फत चिया बिक्री गर्दै आइरहेको छ। छोटो समयमा नै उपभोक्तामाझ लोकप्रिय बन्न सफल यस चिया पसलले गुणस्तरीय चियाका कारण विशेष पहिचान बनाएको छ।
पसलका सञ्चालक राजेश रेग्मी ‘दारी भाइ’का अनुसार वर्तमान समयमा चियाप्रति सर्वसाधारणको रुचि बढ्दो क्रममा रहेको छ। “ग्राहकको स्वाद र स्वास्थ्यलाई ध्यानमा राख्दै चियाको गुणस्तर अझै सुधार गर्न निरन्तर प्रयासरत छौँ,” उनले बताए
