जुम्ला, नेपाल तरूण दल जुम्लाको ५औं जिल्ला अधिवेशन सफलतापूर्वक सम्पन्न भएको छ। अधिवेशनबाट चन्दननाथ नगरपालिका–२ का वडा अध्यक्ष हेम बहादुर बुड्थापा सर्वसम्मत रूपमा जिल्ला अध्यक्ष पदमा चयन भएका छन्।
अध्यक्ष बुड्थापासँगै अन्य पदाधिकारीहरूमा पनि सर्वसम्मत नेतृत्व चयन गरिएको छ।
उपाध्यक्ष पदमा हिमा गाउँपालिका–१ का वडा अध्यक्ष रतन बहादुर शाही र माधव राज शर्मा चयन भएका छन्।
सचिव पदमा कृष्णप्रसाद उपाध्याय, सह–सचिव पदमा कमल बहादुर बोहोरा, र कोषाध्यक्ष पदमा डिल्ली प्रसाद बुढा चयन भएका हुन्।
जिल्लाका विभिन्न स्थानीय तहबाट प्रतिनिधित्व हुने गरी ३१ सदस्यीय जिल्ला समिति गठन गरिएको छ। अधिवेशनले संगठनलाई सुदृढ गर्दै युवा सहभागिता सुनिश्चित गर्ने प्रतिबद्धता व्यक्त गरेको छ।
