जिल्ला प्रहरी कार्यालय जुम्ला मा कार्यरत प्रहरी नायव उपरीक्षक (डिएसपी) रविन बाबू रेग्मी को नेपाल प्रहरी प्रधान कार्यालय अन्तर्गत आर्थिक प्रशासन तथा प्रबन्ध निर्देशनालय, कल्याण महाशाखा, नक्साल काठमाडौंमा सरुवा भएको छ।
नेपाल प्रहरीको नियमित सरुवा प्रक्रिया अन्तर्गत रेग्मीको काज सरुवा गरिएको जनाइएको छ। उनले जुम्लामा रहँदा शान्ति सुरक्षा व्यवस्थापन, अपराध नियन्त्रण तथा समुदाय–प्रहरी साझेदारी कार्यक्रमलाई प्रभावकारी रूपमा अघि बढाएका थिए।
उनको सरुवासँगै जुम्ला प्रहरीमा नयाँ नेतृत्व आउने तयारीसमेत गरिएको छ।
