बाँँकेे : चिकित्सा शिक्षा सुधारकाे माग राख्दै जुम्लामा अनसन बसेका डा.गोविन्द केसीलाई नेपालगञ्जस्थित भेरी अस्पतालमा भर्ना गरिएको छ।
डा. केसी आज साँझ काठमाडौं जान हवाई माग हुँदै जुम्लाबाट नेपालगञ्ज आएका थिए। उडान नभएकाले उनी नेपालगञ्जमै रोकिनु परेको हो।
मंगलबार मात्रै उडान हुने भएकोले बाँके प्रशासनको सक्रियतामा उनलाई भेरी अस्पतालमा भर्ना गरिएको हो।
हिमशिखर अनलाइन सँग कुराकानी गर्दै बाँकेका प्रमुख जिल्ला अधिकारी रामबहादुर कुरुम्वाङले उनको स्वास्थ्य अवस्था सामान्य रहेको बताए।
यसअघि जुम्लामा अनशन बस्दा स्वास्थ्यमा समस्या आएपछि उनलाई बलपूर्वक अस्पताल पुर्याइएको थियो।
आज जुम्लामा डा. के सीले एक विज्ञप्ति जारी गर्दै दुई वर्ष अघि आफूले जुम्लामा अनशन बसेको बेला अस्पतालमा हिंसा र तोडफोड भएको स्मरण गर्दै यसपटक पनि त्यो अवस्था दोहोरिन सक्ने देखिएकाले काठमाडौं गएर अनशसन जारी राख्ने घोषणा गरेका थिए।
