जबरजस्ती करणीको मुद्दामा फरार रहेका एक जना जाजरकोटमा पक्राउ परेका छन् ।
जुम्लाको तिला गाँउपालिका – ३ दानिवाडा बस्ने २० वर्षका लक्की बुढालाई जिल्ला प्रहरी कार्यालय जाजरकोटको टोलीले सोमबार दिउँसो पक्राउ गरेको हो ।
बुढालाई जेठ ११ गते १६ वर्षीया बालिकालाई जबरजस्ती करणी गरेको भन्दै जेठ १५ गते तिर पीडित पक्षको निवेदन आएको थिए । जेठ ११ गते घटेको घटना १६ गते मुद्दा दर्ता भएकाे थियाे ।
प्रहरी पीडक समक्ष सोधपुछ को लागि गएको थियो । प्रहरी पुग्दा बुढाले नदिमा हामफालेर भाग्ने प्रयास गरेका थिए । कर्णाली स्वास्थ्य विज्ञान प्रतिष्ठानमा उपचार भइरहेको थियो । उनलाई दुई महिनासम्म प्रतिष्ठानमा उपचार गराइरहेका थिए । प्रहरीले उपचारमा छोडेको मौका छोपि प्रतिष्ठानबाटै बुढा साउन ८ गते फरार भएका थिए ।
