महाबै गाउँपालिकामा आइतबार बिहान भीरबाट लडेर एक पुरुष काे ज्यान गएको छ। महाबै–२ ओदाका ६५ वर्षीय चर्च सिंह ससुराली महाबै–६ गणेशकोटबाट पत्नीसँग घर फर्कँदै गर्दा तल्लो राम्नीमा चिप्लिएर करिब ३०० मिटर तल झरेका थिए। घटनास्थलमै मृत्यु भएको जिल्ला प्रहरी कार्यालय कालिकोटका निमित्त प्रमुख बीरबहादुर सुनारले जानकारी दिए।
प्रहरी टोली र स्थानीयवासीको सहयोगमा सिङको शव भीरबाट निकालिएको प्रहरीले जनाएको छ। महाबैमा चिकित्सक उपलब्ध नरहेकाले पोष्टमार्टमका लागि शव सदरमुकाम खुमालगढी ल्याइएको छ।
