चीनमा कोभिड संक्रमण बढेपछि छिमकी मुलुक भारतले सावधानी अपनाउन अपिल गरेको छ । भारतीय स्वास्थ्य अधिकारीहरूले सबैलाई बुस्टर डोज लिन पनि आग्रह गरेको छ ।
भारतले यो वर्षको सुरुवातमा नै मास्कसम्बन्धी नियमहरू फुकुवा गरेको थियो । तर छिमेकी मुलुक चीनमा कोरोनाको संक्रमण वृद्धि भएसँगै भारतीय अधिकारीले नागरिकलाई उच्च सतर्कता अपनाउन आग्रह गरेका छन् ।
भारतमा केही महिना यता चार जनामा कोरोना भाइरससम्बन्धी बीएफ सेभेन ओमिक्रोनको संक्रमण पुष्टि भएको छ । भारतमा अहिले संक्रमितको संख्या तीन हजार चार सयको हाराहारीमा छ । चीनमा संक्रमितको संख्यामा आएको वृद्धिसँगै भारतमा पनि त्रास फैलिएको छ ।
