दाङको बंगलाचुली गाउँपालिका–१ सिउजाडाडाकी ५७ वर्षीया केशरादेवी दमाईले बन्चरो (धारिलो हतियार)ले हानेर आफ्नै श्रीमानको हत्या गरेकी छिन्।
केशरादेवीले आज (बिहीबार) ९ बजे घरमा विवाद हुँदा ६४ वर्षीय श्रीमान रेशमबहादुर दमाईलाई टाउकोमा बन्चरोले हानेर हत्या गरेको प्रहरीले जनाएको छ।
जिल्ला प्रहरी कार्यालय दाङका सूचना अधिकारी तथा प्रहरी नायव उपरीक्षक राजनकुमार गौतमले श्रीमानको हत्या गर्ने केशरादेवीलाई पक्राउ गरिएको जानकारी दिए। घटनाको बारेमा अहिले अनुसन्धान भइरहेको छ।
