धनगढीमा भीषण आगलागी, अस्पताल र पसलमा क्षति

हिमशिखर सम्वाददाता काठमाण्डौ २ मंसिर २०८०, शनिबार ११:४२

धनगढी उपमहानगरपालिका–१ मुख्य बजारमा रहेको सारथी अस्पताल प्रालि र सँगै जोडिएका पसलमा गए राति आगलागी हुँदा लाखौँ मूल्य बराबरको समान जलेर नष्ट भएको छ। गए राति करिब १ बजे लागेको आगो आज बिहान मात्र निभाइएको थियो।

अस्पतालसँगै रहेको खाद्य तथा व्यापार कम्पनी लिमिटेडको भवनमा दलबहादुर भण्डारीले सञ्चालन गरेको भण्डारी जनरल स्टोरमा अचानक विद्युत् चुहावट भई आगलागी भएको जिल्ला प्रहरी कार्यालय कैलालीका प्रवक्ता कुलदीप चन्दले जानकारी दिए। आगो लागेपछि अस्पतालमा भर्ना भएका बिरामीलाई अन्य अस्पतालमा पठाइएको छ।

आगलागीबाट सारथी अस्पतालसहित भण्डारीको भण्डारी जनरल स्टोर, टेकेन्द्र शर्माको मधुमाला बेबी सपगोदाम, वासुदेव भट्टको भट्ट सपिङ सेन्टर, जगतबहादुर बलायरको सुभिक्षा देवी सपिङ सेन्टर, यशोदा साउदको न्यू सदिक्षा इन्टर प्राइजेज, गौरी भण्डारीको भण्डारी सु सेन्टर, जानकी भट्टको भट्ट ट्रेडर्स एण्ड सप्लायर्समा रहेको मालसामान जलेर नष्ट भएको छ।

धनगढी उपमहानगरपालिका, गोदावरी नगरपालिका र पुनर्वास नगरपालिकाका चारवटा दमकलको सहायतामा नेपाली सेना, सशस्त्र प्रहरी, नेपाल प्रहरी र स्थानीयवासीको प्रयासमा आगो निभाइएको छ। आगलागीबाट पुगेको क्षतिको यकिन विवरण आउन बाँकी रहेको प्रहरीले जनाएको छ।

Next Post

अमृत स्मृती खुल्ला पुरुष फुटबलको फाइनलमा लेकाली र जनसेवा

२ मंसिर २०८०, शनिबार ११:४२
प्रथम अमृत स्मृती खुल्ला पुरुष फुटबलको फाइनलमा लेकाली यूवा क्लव र जनसेवा यूवा क्लव बीच हुने भएकाे छ। आज भएकाे सेमिफाइनल खेलमा जनसेवाले भैरवनाथ युवा क्लबलाई हराएको थियो। खेल अवधीभर दुबै कल्बले १/१ गोल गरेका थिए । पेलान्टी सुट आउटमा जनसेवाले भैरवनाथलाई हराएको हो। त्यस्तै दोर्सों खेल फोईकालिका र लेकाली […]