जुम्लाको हिमा गाउँपालिकाकाे नदैपाटनमा अज्ञात राेगले धमाधम भेडा मर्न थालेका छन् । अहिले सम्म एक महिनाकाे अबधिमा २३ वटा भेडा मरेका छन् । अज्ञात रोगले भेडा धमाधम मर्न थाले पछि यति बेला भेडा पालक किसान चिन्तामा रहेका छन् । जुम्लाको हिमा गाउँपालिका १ का किसान विरबहादुर शाहीका र १० वटा, कर्णबहादुर शाहीका ६ वटा, अकल शाहीकम ४ वटा, जिर शाहीका ३ वटा गरि
२३ वटा भेडा मरेकाे किसान वीर बहादुर शाहिले बताउनुभयो । उहाँका अनुसार हिमा गाउँपालिका नदैपाटन र ठाकुरपानीमा गरि ४ जना किसानका २३ वटा भेडा मरेकाे बताउनुभयो । उहाँले भन्नुभयो, भेडामा पातलो दिसा हुने, ज्वरो आउने, काप्ने झोक्रराउने ,समस्या देखिएको छ । यो एक महिनाको अवधिमा २३ वटा भेडा मरिसकेका किसान शाहीले बताउनुभयाे ।
यहि हप्ताको ३ दिनभित्र करिब १० भेडा मरेका छन् । यता रोगको वारेमा के हो भन्ने बिषयमा जानकारी भएको छैन । हिमा गाउँपालिका पशुशाखा प्रमुख नरसिङ थापाले त्यस क्षेत्रमा प्राविधिक पठाउने तयारी भएको बताउनुभयाे । उहाँका अनुसार औषधी सकिएको र स्थानीय तहमा खरिद गर्ने तयारी भईरहेको भईरहेकाले समस्य भएकाे बताउनुभयो । समयमै औषधी नपुग्दा समस्या भईरहेको किसानको गुनासो बढरिहेको छ । औषधी पशुअस्पताल तथा पशुसेवा कार्यालयमा माग गरिएको छ ।
भेडा मर्नथालेपछि अहिले भेडा कालाकाटिया तिर सारिएको किसानले जनाएका छन् । यता पशु अस्पताल तथा पशुसेवा कार्यालयले भेडाको रोग पत्ता लगाउन गाउँपालिकाले गर्यो भने आवश्यक औषधी पठाईदिने बताएको छ । पशु अस्पताल तथा पशुसेवा कार्यालय प्रमुख ज्ञानेन्द्र बुढ्थापाले स्थानीय तहमा शाखाको समन्वयमा रोगको पहिचान गरि उपचार गर्ने बताउनुभयाे ।
