जुम्ला, साउन १५ – नेपाल तरूण दल जुम्लामा विवाद चुलिँदै गएको छ।सन्जिव रावलको नेतृत्वमा समानान्तर जिल्ला समिति गठन गरिएको छ। नयाँ समिति गठन गर्ने पक्षले हालै सम्पन्न पाँचौं जिल्ला अधिवेशनलाई अवैधानिक ठहर गर्दै आपत्ति जनाएका छन्।
रावल नेतृत्वको समूहले संस्थागत विधि र प्रक्रियाको उल्लंघन भएको भन्दै समानान्तर समिति गठन गरेको जनाएका छन्। उनीहरूले केन्द्रीय नेतृत्वसँग विधानअनुसार निर्णय लिन माग गरेका छन्।
