तिला गाउँपालिका–३ मा क १ घ ११ नम्बरको अटो रिक्सामा शुक्रबार बिहान आगलागी भएको छ। आगलागीबाट अटोमा सामान्य क्षति पुगेको छ भने मानवीय क्षति भने नभएको प्रहरीले जनाएको छ।
जिल्ला प्रहरी कार्यालय जुम्ला का प्रहरी नायव उपरीक्षक रबिन बाबू रेग्मी का अनुसार अटो चलिरहेको अवस्थामा अचानक धुवाँ निस्किएपछि चालकले तुरुन्त अटो सडक किनारमा रोक्ने प्रयास गरेका थिए। समयमै रोकिएकाले ठूलो दुर्घटना हुन पाएन, उनले भने, यात्रीहरू सबै सकुशल छन्।
प्रत्यक्षदर्शीहरूका अनुसार अटोको इन्जिनतर्फबाट आगो लागेको देखिएको थियो। स्थानीयवासी र प्रहरीको सहयोगमा केही मिनेटमै आगो नियन्त्रणमा लिन सफल भएका थिए।
प्रहरीले आगलागीको कारण प्राविधिक समस्या वा सर्टसर्किट हुनसक्ने अनुमान गरेको छ। विस्तृत अनुसन्धान भइरहेको जनाइएको छ।
