अमेरिका र इरानबीच जारी द्वन्द्व अन्त्य गर्न शान्ति सम्झौता आगामी २४ घण्टाभित्र हुन सक्ने पाकिस्तानले जनाएको छ।
पाकिस्तानी प्रधानमन्त्री शहबाज सरिफले दुवै पक्षबीच अधिकांश विषयमा सहमति जुटिसकेको र अन्तिम सम्झौताका लागि तयारी भइरहेको बताएका छन्।
सम्झौतापछि अर्को साता प्राविधिक तहमा थप वार्ता हुने जनाइएको छ। यदि सम्झौता सफल भएमा मध्यपूर्वमा शान्ति स्थापना तथा विश्व अर्थतन्त्रमा सकारात्मक प्रभाव पर्ने अपेक्षा गरिएको छ।
