जुम्लामा Gen-Z जुम्ला युवा समूहले आयोजना गरेको रक्तदान कार्यक्रम शुक्रबार सम्पन्न भएको छ। आज बिहान ८:०० बजेदेखि ११:०० बजेसम्म जुम्ला बजारस्थित कृष्ण मन्दिर अगाडि सम्पन्न कार्यक्रममा कुल ३६ जनाले रक्तदान गरेका छन्।
रक्तदानबाट संकलित रगत कर्णाली स्वास्थ्य विज्ञान प्रतिष्ठान लाई बुझाइएको शुनिल राेकायाले जानकारी दिएका छन ।
राेकायाका अनुसार कार्यक्रममा स्थानीय युवायुवती, विद्यार्थी र स्वयंसेवकहरूको उत्साहजनक सहभागिता रहेको थियो।
Gen-Z जुम्लाका संयोजकले रक्तदान कार्यक्रमको मुख्य उद्देश्य समाजमा युवाबीच मानवता, सहानुभूति र सामाजिक उत्तरदायित्वको भावना विकास गर्नु रहेको बताए।
उनका अनुसार आगामी दिनमा पनि यस्ता मानवसेवामूलक कार्यक्रमहरू निरन्तर आयोजना गरिनेछन्।
स्थानीय बासिन्दा र व्यवसायीहरूले पनि रक्तदान जस्तो मानवीय कार्यमा सक्रिय युवाहरूको सहभागितालाई सराहना गर्दै आगामी दिनमा निरन्तरता दिन आग्रह गरेका छन्।
