ब्राजिलमा गत हप्तादेखि निरन्तर वर्षा र बाढीको कारण मृत्यु हुनेको संख्या बिहीबारसम्म १२६ जना पुगेको छ भने अझै केही बेपत्ता भएका छन्।
यहाँका अधिकारीहरुले दिएको जानकारी अनुसार ब्राजिलको विशेष गरी उत्तरपूर्वी पर्नाम्बुको राज्यमा वर्षाको प्रभाव बढी परेको छ। गत सातादेखि परेको भीषण वर्षाका कारण उक्त स्थानम कम्तिमा पनि ९ हजार ३०० जना व्यक्ति वर्षाबाट विस्थापित भएका सञ्चार माध्यममा उल्लेख छ। ठूलो बाढी र पहिराले दर्जनौं घरमा क्षति पुर्याएको छ। यहाँका सयौँ घर भासिएका छन्। उक्त राज्यको राजधानी रेसिफेमा धेरैको जनाको मृत्यु भएको छ।
