जुम्लाको पातारासी गाउँपालिकाकाे छुमचाैर ज्युलाेमा कालिमार्सी धान रोपाइँ गरिएको छ। विश्वको सबैभन्दा उच्च स्थानमा धान फल्ने उपमा पाएको छुमचौर ज्युलोमा आज महोत्सव आयोजना गरी रोपाइँ गरिएको हाे।
कृषि विकास कार्यालय जुम्लाकाे आयाेजनामा आज छुमचाैर ज्युलाेमा धान दिवस तथा रोपाई महोत्सव मनाइएकाे हाे। विश्वकाे सर्वाेच्च (समुन्द्री सतहबाट २ हजार ८ सय ५० मिटर उचाइमा) मा धान खेति हुने छुमचाैरमा धान राेपेर जुम्लामा राेपाइँ सुरु भएकाे कृषि विकास कार्यालय जुम्लाका प्रमुख बालकराम देवकाेटाले बताए।
संस्कार र संस्कृतिसँग जोडिएको मार्सी धान संरक्षणका लागि किसानमा उत्साह जगाउन राेपाइँ महाेत्सव गरिरहेको बताए कार्यालय प्रमुख देवकोटाले बताए। यस्तै प्रमुख जिल्ला अधिकारी जयकुमार घिमिरेले गाैरवमय सिंजा सभ्यताकाे ईतिहास जाेडिएकाे जुम्लामा मार्सी धान अर्काे चिनारी रहेकाे बताए । मार्सी लोप हुने अवस्थामा पुगेपछि कृषक देखि स्थानीय सरकार, सराेकारवाला निकाय यसको संरक्षणमा लागिपरेका छन्।
