जुम्ला जिल्लास्थित समन्वय समितिको मैदानमा आइतबार बिहान फेला परेको सकेट बम नेपाली सेनाको टोलीले निष्क्रिय गरेको छ।
बम बिहान सबेरै मैदानमा काम गरिरहेका व्यक्तिले शंकास्पद वस्तु देखेपछि प्रहरीलाई जानकारी दिएका थिए। सूचना पाएलगत्तै जिल्ला प्रहरी कार्यालय जुम्लाबाट खटिएको टोली घटनास्थलमा पुगेको थियो। प्रारम्भिक अनुसन्धानपछि उक्त वस्तु सकेट बम रहेको पुष्टि भएको थियो।
सुरक्षाकर्मीहरूले तत्काल वरिपरि आवतजावत रोक्दै क्षेत्र नियन्त्रणमा लिएका थिए। नेपाली सेनाले बम निष्क्रिय गरेपछि क्षेत्रलाई पुनः सामान्य अवस्थामा फर्काइएको छ।
हालसम्म बम कसले राखेको भन्ने खुलेको छैन। प्रहरीले घटनाबारे थप अनुसन्धान गरिरहेको जनाएको छ।
