महामन्त्री मुकुल ढकाललाई रास्वपाले साेध्याे स्पष्टीकरण

हिमशिखर संवाददाता १४ असार २०८१, शुक्रबार २१:२४

राष्ट्रिय स्वतन्त्र पार्टी (रास्वपा)ले पार्टीका महामन्त्री मुकुल ढकाललाई स्पष्टीकरण साेधेकाे छ।

‘समीक्षा यात्रा’ प्रतिवेदनका सन्दर्भमा दिएकाे सार्वजनिक अभिव्यक्तिलाई लिएर रास्वपाकाे अनुशासन आयाेगले शुक्रबार ढकाललाई स्पष्टीकरण साेधेकाे हाे।

महमन्त्री ढकालले आफूलाई पत्रमार्फत स्पष्टीकरण साेधिएकाे बताए। यद्यपि, पत्रमा के-के कुरा उल्लेख गरिएकाे छ भन्नेबारे खुलाएकाे छैनन्।

ढकालले एक महिने समीक्षा यात्रा गरेर तयार पारेकाे प्रतिवेदन सभापति रवि लामिछानेलाई बुझाएका छन्। रास्वपाकाे जनमत नभएकाे, यदि रास्वपा यही अवस्थामा अगाडि बढेमा आगामी निर्वाचनमा १-२ सिट पनि जित्न मुस्किल हुने, काठमाडाैँ महानगरपालिका मेयर बालेन्द्र साहसँग सहकार्य गर्नु उचित हुने सुझाव प्रतिवेदनमा उल्लेख गरेकाे महामन्त्री ढकालले सञ्चार माध्यमहरुलाई बताउँदै आएका छन्।

रास्वपाले महामन्त्री ढकालबाट प्राप्त प्रतिवेदन भने अहिलेसम्म औपचारिकरुपमा सार्वजनिक गरेकाे भने छैन।

Next Post

२ सय १० जना जेष्ठ नागरिकलाई कम्बल वितरण

१४ असार २०८१, शुक्रबार २१:२४
जुम्ला १४ असार जुम्लाको चन्दननाथ नगरपालिका वडा नम्बर ९ ले वडा भित्रका २ सय १० जना जेष्ठ नागरिकलाई कम्बल वितरण गरिएको छ । वडा नम्वर ९ का २ सय १० जना जेष्ठ नागरिकलाई न्यानो कम्बल वितरण गरिएको हो । कम्बल वितरण कार्यक्रमलाई सम्बोधन गर्दै वडाध्यक्ष भिम बहादु रावतले जेष्ठ नागरिकको […]